محمود و انا
كتبهاقلماوى ، في 25 يونيو 2009 الساعة: 02:48 ص
انا: انت مين؟
اوعى تقول: محمود
وماله شعرك منكوش
ودقنك طويل ممدود
شكلك واقع من قطر
تكونشى يا واد محسود
محمود: يا عم انا محمود
والشعر يتسرح
والدقن لو ممدود..
هانقصه يتصلح
لكن القلم مكسور
والفكر متكسح
يا رب ما تكسبه
ولا اشوفه يوم يربح
كل اللى يوجع قلبى
بلسانه راح يجرح
انا: مالك يا واد قولى
ضيعت فين صبرك ؟
وان كان قلبه قسى
القسوة مش طبعك
حتى انت بتقول اخ
لو زاد عليك وجعك
محمود: خايف لا بكرة يكون
اصعب من امبارح
خايف ابات مجروح
اصحى اكون جارح
خايف لا قلبى يموت
يحلف ماهو مسامح
وبايدى اقص الزرع
حتى ولو طارح
والصبر يصبح كره
يحجز كل المطارح
انا: اخرس كلامك دة
والله اقطع لسانك
انت تعرف الكره
ههه يخرب شيطانك
افتكر سيدنا يوسف..
واخواته لو كان مكانك..
كان قال: يا رب حمدك
وحّد .. رجع ايمانك
يا محمود افتحلى قلبك
وحكمنى فى لسانك
وقوم انده حبايبك
ورقك والوانك
ولحد مانت تروق
سيبنى ارسم بدالك
تمت.
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
يونيو 28th, 2009 at 1:44 ص
_______________________
محمود: خايف لا بكرة يكون
اصعب من امبارح
_______________
متخفشي محمود وخلي عندك امل كبير وادعي ربنا ان بكره ميجيش اصلا
علشان لو بكره جه اكيد هايجي ومعاه ابن الجزمه
يونيو 28th, 2009 at 5:04 ص
صباح الخير استاذ محمود
الحقيقة كلام يوجع للى بيقهم
وانا اتوجعت وانبسطت فى ان واحد
بجد كلام معبر قوى
وبيقول حاجات كتير قوى
ومع انه سهل وبسيط لكن غويط
تحياتى الى العمق فى الابداع
يونيو 29th, 2009 at 7:13 م
محمود قلماوى قال:
يونيو 29th, 2009 at 9:40 م تحرير
مش عارف معنى كالمسرنمة
لكن كلماتك بسيطة وجميلة
وطالما تعرفى لغة الورد والعصافير سلميلى عليهم
دمتى بالخير
°°°°°°°°°°°°°°°
القمرية تقول
مساء الخير يا محمود
المسرنمة يا محمود اي السائرة نائمة
والعصافير كلهم بيسلموا عليك
وهأنا هنا يا قلماوي
لك مني كل ود ومحبة
يونيو 29th, 2009 at 7:17 م
ما تخافشي من بكرة
كده قوي يا محمود
وشعرك يتنكوش ليه
والسشوار موجود
وكلامك زي العسل
يا ابن الاصل والجود
يونيو 29th, 2009 at 7:18 م
وه>ا تعليق ثالث للقصيدة الجميلة
ولو كان صوتي حلو كنت غنيتها
ولحنتها
يونيو 29th, 2009 at 7:19 م
سيبها على رب العالمين
هو اللي يرمي السلوى قبل البلوة
ودمت بالخير اخي
يونيو 30th, 2009 at 9:22 ص
حاولت انتقى احلى مقطع فوجدتنى سوف انقل كل ما كتبته
احب الحوارات لتوصيل الفكره جدا
انا فعلا معجبه جدا بيها
جدااااااا
يونيو 30th, 2009 at 10:15 ص
محمود
صباحك فل
بتكتب الألم انت كمان اهو !
حوار نفسي وتحاور فيه مراجعة وعتاب وألم
جميل اوي رغم بساطة الالفاظ
لكنه ينفذ للعمق
تحية كبيرة لك
يوليو 1st, 2009 at 3:08 ص
محمود
انت بتقول ايه يا محمود
انت بتقول منكوش ؟؟؟
بتقصد ايه يا محمود
وماله منكوش
مش عاجبك منكوش يا محمود
ولا ابو منكوش كمان
فيه ايه
فيه حاجة يا محمود
قول يا ابني
قول وما تتكسفش
يوليو 1st, 2009 at 2:11 م
قصيدة عبقرية جدا وفعلا انت بتعبر باكلام بطريقة جميلة وجديدة ربنا معاك يا شاعر يا كبير
يوليو 3rd, 2009 at 9:22 م
ندعو زوارنا الكرام للمتابعة الاخبارية على موقعنا الجديد مدونة(طريقنا إلى الفردوس) إلى أن نتمكن من حل مشكلة الطريق إلى الفردوس باذن الله
رابط المدونة
http://doaa9100000.maktoobblog.com
يوليو 4th, 2009 at 2:25 ص
مسائء الخير محمود
اسم عزيز على
وحرفك وايضا اعز
مرور تحية وسلام
وسلمت يداك اخى الغالى
يوليو 7th, 2009 at 2:43 م
سعدت بزيارتى لمدونتك
وجميل ادراجك
تمنياتى بالتوفيق
يوليو 7th, 2009 at 9:22 م
استاذ محمود قلماوى
حقيقى كلماتك قوية وتمس القلب
وعاميتك لذيذة
اسعدنى وجودى بكلماتك جداااااا
وأحزننى انى لم أمُر عليها من قبل
واسمح لى دوماً بالمتابعة
يوليو 7th, 2009 at 9:28 م
وعلى سؤالك انا كتبت بقلمى
انا مين؟؟………..
سؤال غريب حزين
مرسوم فوق الجبين
وجنبه نقطتين
….نقطة تقول هَمْ
….ونقطة تقول سَجين
وبين سؤال وجواب
مرسومة سكتين
سكة لبر السلامة
وسكة ندمانين
والحيرة كاس مليان
شربته ف مرتين
جف الالم ف حلقى
وشفايفى عطشانين
يا مين يقولى يا ناس
انا فين ؟؟وطلعت مين؟؟؟
اسمح لى اهذى بساحتك فهنا بدأت رحلة الهذيان
منى عز الدين
يوليو 7th, 2009 at 10:42 م
حوار جميل
لكن القلم مكسور
والفكر متكسح
لا يبدو أن قلمك مكسو ولا فكرك متكسح
دمت مبدعا
يوليو 12th, 2009 at 2:45 ص
خايف لا بكرة يكون
اصعب من امبارح
خايف ابات مجروح
اصحى اكون جارح
———
ربنا يسترها معانا يا عم الحج ..
بجد ابداع ..
تقبل تحياتي لقلمك
يوليو 12th, 2009 at 9:03 م
حوار جميل برغم أن القلم مكسور
ويبقى ما خططت بروحك حكاية واسطورة
عن تحدي وصمود
وبقاء
وعاش المنكوش ومات المفرود والجل
كل الاحترام
يوليو 16th, 2009 at 1:59 م
مساء الخيرات :
بوحك ينم على طريقين
يشقان طريق واحد
… تمسك بالأمل .. فغد أكيد سيحمل عبق الورد
شكرا على الزيارة ودمت صديقا حميما نتعلم منه
شششششششششششششكرا
يوليو 17th, 2009 at 6:49 م
اخي الكريم
نص جميل فيه طرح لمشكلة الواقع وبكرة اللي اسشوأ من امبارح … وفيه دعوة للصبر والاستشهاد بنبي الله يوسف وثبره .
نعم انها حوارية الحكمة .
دمت بخير
يوليو 19th, 2009 at 2:22 ص
اسعد الله صباحك
ومتعك بالصحةوالعافية
وجعل ايامك كلها خير وبركه